مشال راډیو. دا د مشال راډیو کورپاڼه ده. مشال راډیو د ۲۰۱۰ز کال د جنورۍ له ۱۵مې راهیسې د خیبر پښتونخوا، د بلوچستان پښتون مېشته سیمو او د ډېورنډ له کرښې سره د افغانستان پښتون مېشته ولایتونو لپاره خپرونې کوي. مشال راډیو د ازادې اروپا راډیو د پښتو ژبې څانګه او خپلواکه خبري اداره ده. مشال راډیو د ولسواکۍ یا ډېموکراسۍ او د بشري حقونو ملاتړ کوي چې په ډېموکراټیکو هېوادونو کې عام دی. خو له دې سره سره مشال راډیو د کومې ځانګړې تګلارې یا پالیسۍ او یا هم د قانون ملاتړ نه کوي او نه هم کومې څوکۍ ته د چا د انتخابېدو یا انتصابېدو ملاتړ کوي. مشال راډيو همداراز، د سختدریځو د پروپیګنډې پر وړاندې پر واقعیتونو ولاړه متبادله مفکوره، خبرونه، شننې، تبصرې او خپرونې کوي. مشال راډیو د ۲۰۲۰ز کال راهیسې د کورونا وایرس جهاني وبا په اړه هم خبريالي او خپرونې کوي او بېلا بېل رپورټونه، شننې، تبصرې او ویډیوګانې خپروي.